އެނދުމަތި ވެފައިވާ 20 ދަރިވަރަކަށް، އެޑްވޮކޭޓިން ދަ ރައިޓްސް އޮފް ޗިލްޑްރެން (އާރކް) އިން ހޮސްޕިޓަލް އެނދު ހަދިޔާކޮށްފިއެވެ.
އާރކްއިން ބުނީ، ރާއްޖޭގެ އެކި ކަންކޮޅުތަކުގައި އެނދުމަތިވެފައިވާ 20 ދަރިވަރަކަށް ހޮސްޕިޓަލް އެނދުތައް އެޑިއުކޭޝަން މިނިސްޓްރީއާ ހަވާލުކޮށްފައިވާ ކަމަށާއި، އެ އެނދުތައް ހަދިޔާކޮށްފައިވަނީ އިންޓަރނޭޝަނަލް ޑޭ އޮފް ޕާރސަންސް ވިތް ޑިސްއެބިލިޓީސް ފާހަގަ ކުރުމުގެ ހަރަކާތުގެ ތެރެއިން ކަމަށެވެ.
އާރކްއިން ބުނީ، އެ އެނދުތަކުގެ ސަބަބުން ނުކުޅެދުންތެރިކަން ހުންނަ ދަރިވަރުންގެ ދިރިއުޅުމުގެ ހާލަތު ރަނގަޅުވެ، ގޭގެއަށްގޮސް އެކުދިންނަށް ކިޔަވައިދިނުމުގައި މިހާރަށްވުރެ ފަސޭހަކޮށް އަދި ރަނގަޅަށް ކިޔަވައިދިނުމުގެ މަގު ފަހިވެގެން ދާނެ ކަމަށެވެ.
ARC donates 20 hospital beds to @MoEdumv on #IDPWD2021 to distribute to bedridden students who live across Maldives.ARC hopes this will enhance their lives & contribute towards better facilitation of their right to education by teachers who do home visits https://t.co/w6FUSmSGBy pic.twitter.com/wPlARyjnBv
— ARC (@ARC_maldives) December 3, 2021
ހުޅުމާލޭ ޤާޒީ ސްކޫލްގެ ދަރިވަރަކަށް އެނދު ހަވާލުކުރުމަށް މިއަދު ކުރިއަށްދިޔަ ރަސްމިއްޔާތުގައި ވާހަކަ ދައްކަވަމުން، އެޑިއުކޭޝަން މިނިސްޓްރީގެ ޑެޕިއުޓީ މިނިސްޓަރ މުހައްމަދު އިހްސާން ވަނީ، އާރކް އިން ކުޑަކުދިން އަދި ހާއްސައެހީއަށް ބޭނުންވާ މީހުންގެ ހައްގުތައް ރައްކާތެރިކަން ކަށަވަރު ކުރުމަށް ކުރަމުންގެންދާ މަސައްކަތް ފާހަގަކޮށް އެކަމަށް ޝުކުރު ދަންނަވާފައެވެ.
