ކޮވިޑް 19 އަށް ފަރުވާ ހޯދަމުން ދިޔަ އިތުރު މީހަކު ނިޔާވެއްޖެއެވެ.
ހެލްތް ޕްރޮޓެކްޝަން އެޖެންސީ (އެޗްޕީއޭ) އިން ބުނެފައިވަނީ، ރޭ 09:30 ހާއިރު އައްޑޫ ކޮވިޑް މެނޭޖްމެންޓް ފެސިލިޓީގައި ފަރުވާދެމުންދިޔަ މީހަކު ނިޔާވެފައިވާކަމަށެވެ.
އެގޮތުން ނިޔާވެފައިވަނީ އުމުރުން 79 އަހަރުގެ ދިވެހި ފިރިހެނެއް ކަމަށްވެސް މައުލޫމާތު ދީފައިވެއެވެ. މިއާއެކު އައްޑޫއިން ކޮވިޑް-19 ގައި މަރުވި މީހުންގެ އަދަދު ވަނީ 12 އަށް އަރާފައެވެ.
Last night (5/12/21) at 09:30 pm a 79-year-old Maldivian male admitted in Addu Covid Management Facility had passed away
This is the 255th COVID-19 death in the Maldives
Our thoughts and prayers are with the bereaved family. May Allah grant his soul eternal peace in heaven
— Health Protection Agency (@HPA_MV) December 6, 2021
މިމަރާއިއެކު ރާއްޖެއިން ކޯވިޑްގައި މަރުވި މީހުންގެ އަދަދުވަނީ 255 އަށް އަރާފައެވެ. އިއްޔެވެސް ރާއްޖެއިން ކޯވިޑްގައި މީހަކު މަރުވެފައެވެ. އަދި ހޮނިހިރު ދުވަހުވެސް ވަނީ 2 މީހަކު ކޯވިޑްގައި މަރުވެފައެވެ. މިފަހަކަށް އައިސް ރާއްޖެއިން ކޯވިޑްގައި މަރުވާ މީހުންގެ އަދަދު ދަނީ އިތުރު ވަމުންނެވެ.
ރާއްޖެއިން ކޯވިޑްގައި މަރުވާ މީހުން އިތުރުވެފައިވާއިރު، ރޭ ވަނީ ކޯވިޑްގެ އާ ވޭރިއަންޓްވެސް ރާއްޖެއިން ފެނިފައެވެ. ކޯވިޑް-19 އަށް ފާއިތުވި މަސްތަކުގައި ގިނައިން ޕޮޒިޓިވްވަމުން އަންނަނީ އަތޮޅުތެރޭގެ ރަށްތަކުންނެވެ. އެގޮތުން މިވަގުތުވެސް 14 ރަށެއް އޮތީ ކޯވިޑްގެ ސަބަބުން އަރާފޭބުން މަނާކޮށްފައެވެ.
