ރާއްޖޭގެ މަސްވެރިކަމަށް ޒަމާނީ އާ ސިޔާސަތެއް ކަނޑައަޅަންޖެހޭ ކަމަށް ރައްޔިތުންގެ މަޖުލީހުގެ ވިލިނގިލީ ދާއިރާގެ މެމްބަރ ސައުދު ހުސައިން ވިދާޅުވެއްޖެއެވެ.
ރާއްޖޭގައި ފާހަގަކުރަމުންދާ 41 ވަނަ މަސްވެރިންގެ ދުވަހުގެ ތަހުނިޔާ ހުރިހާ މަސްވެރިންނަށް ދަންނަވަމުން ސައުދު ވިދާޅުވީ މަސްވެރިން ކުރާ ހަލާލު ބުރަ މަސައްކަތުގެ މަންފާ މަސްވެރިންނަށް ހޯދައިދިނުމަށް ބާނާ މަހުގެ އަދަދު އިތުރުކޮށް ޤައުުމީ އުފެއްދުންތެރިކަން ކުރިއެރުވޭނެ ޒަމާނީ އާ ސިޔާސަތުތަކެއް ކަނޑައަޅަން ޖެހޭ ކަމަށެވެ.
ސައުދު ކުރެއްވި ޓްވީޓެއްގައި ވިދާޅުވެފައިވަނީ ފެލިވަރު އަޕްގްރޭޑް ކުރުމުގެ ނަމުގައި ޕްރޮޖެކްޓެއް ހިންގާތާ 9އަހަރު ފާއިތުވެގެން ދިޔައިރުވެސް އޭގެ ކޮޅެއް ފެނިފައި ނުވާ ކަމަށާއި މަސްވެރިކަމުގެ ސިނާއަތުގަ އަދިވެސް ހިގަމުންދަނީ ނަވާރަވަނަ ގަރުނުގަ ރާއްޖޭގައި ގެންގުޅުނު ކޮރަޕްޝަން ސިޔާސަތު ކަމަށެވެ.
Masveringe dhuvahuge thahuniya lobuvethi dhivehi masverinai masveri ailā thakah ariskuran. Masverin kurā halālu bura masakkathuge manfā masverinah hoadha dhinumah, baanā mahuge adhadhu ithurukoh, gaumy ufedhun therikan kurieruveyne zamāny aa siyāsathuthakeh kanda alhanjehey
— Saud Hussain MP (@SaudVillingili) December 10, 2021
މީގެ އިތުރުން ރާއްޖޭގައި ބާނާ މަހުގެ 90 އިންސައްތަ ކޫއްޑޫގައި ރައްކާކުރުމަށްފަހު އެމަސް ތައިލެންޑަށް އެކްސްޕޯޓްކުރަނީވެސް ކޫއްޑޫއިން ކަމަށާއި އަހަރަކު 30-40 ހާސް ޓަނުގެ މަސް ކޫއްޑޫއިން ތައިލެންޑަށް އެކްސްޕޯޓް ކުރަމުން ގެންދާ ކަމަށް ސައުދުގެ ޓްވީޓުގައި ފާހަގަކޮށްފައިވެއެވެ. އަދި ކޫއްޑޫއާއި އައްޑޫގައި މަސް ބަންދުކުރާ ފެކްޓްރީ ޤާއިމުކޮށް މަހުގެ ބާވަތްތައް އުފައްދާ އެކްސްޕޯޓް ކޮށް މަސްވެރިން ބާނާ މަހަށް ހަމަ އަގު ހޯދަދިނުމަށް އިންޑަސްޓްރީގެ ވެރިން އަދިވެސް ފަހަތަށް ބުރަވާތަން ފެންނަކަމަށް ސައުދު ވަނީ ވިދާޅުވެފައެވެ.
Aharaku 30 – 40 haas tanuge mas Kooddoo in Thailand ah export kuraa iru, Kooddoo adhi Addu ga canning factory gaimkoh dhalhugai mas bandhukoh value add products ufadhā export koh, masverin baanā mahah hama agu hoadha dhinumah industry ge verin adhives fahathah buravaathan fennany
— Saud Hussain MP (@SaudVillingili) December 10, 2021
މިއަދަކީ ރާއްޖޭގެ މަސްވެރިންގެ ދުވަހެވެ. އެހެންކަމުން ހުވަދު އަތޮޅުގެ ގިނަ ރަށްތަކުގައި ދަނީ މަސްވެރިންގެ ދުވަހާއި ގުޅުވައިގެން ހަރަކާތްތައް ބާއްވަމުންނެވެ. އެގޮތުން ބައެއް ރަށްރަށުގައި މަސްވެރިންނަށް ހާއްސަކޮށް ޑިނާ ނައިޓްތައް ފަދަ ހަރަކާތްތައް ވަނީ ރޭވިފައެވެ. މިޕެންޑަމިިކް ތެރޭ
ކުލަގަދަކޮށް މަސްވެރިންގެ ދުވަސް ފާހަގަ ކުރުމަކީ އެހާ ރަނގަޅު ކަމަކަށް ނުވާތީ މިއަހަރު ރާއްޖޭގައި މަސްވެރިންގެ ދުވަސް އެހާ ކުލަގަދަކޮށް ފާހަގަ ނުކުރެއެވެ.
