ށ. ކަނޑިތީމުން ފުރައިގެން މާލެ ދަތުރު ކުރަމުން ދިޔަ ލޯންޗެއްގެ ބިއްލޫރިގަނޑު ތަޅައިގެން ގޮސް ފަޅުވެރިއަކަށް އަނިޔާވެއްޖެއެވެ.
މައުލޫމާތު ލިބިފައިވާ ގޮތުގައި، މި ހާދިސާ ހިނގާފައިވަނ “ފްލައިން ފިޝް 16” ނަމަކަށް ކިޔާ ލޯންޗެއްގައެވެ.
މިހާދިސާގައި އަނިޔާ ވެފައި ވަނީ ދިވެހި ފަޅުވެރިއަކަށެވެ. ނަމަވެސް އޭނާ އަށް ސީރިއަސް އަނިޔާތަކެއް ލިބިފައި ނުވެއެވެ.
ގަދަ ކަނޑުގައި ލޯންޗު ދަތުރުކުރަމުން ދިޔަ ވަގުތު ބޮޑު ރާޅަކާއެކު ލޯންޗު ވައްޓާލި ވަގުތު ބިއްލޫރިގަނޑު ތަޅައިގެން ގޮސް އަނިޔާވި މީހާ އަށް މިހާރު ފަރުވާ ދެމުން އަންނަނީ އައިޖީއެމްއެޗްގައެވެ. މި ހާދިސާގައި އިތުރު މީހަކަށް ގެއްލުމެއް ލިބިފައެއް ނުވެއެވެ.
