ރިހިވެލި ރިސޯޓުގެ ވެރިފަރާތް ކަމަށްވާ މާހަލް ޕްރައިވެޓް ލިމިޓެޑްގެ ފަރާތުން އެރިސޯޓަށް ދިޔަ ބަޔަކު ގަދަކަމުން އެރަށުގެ ކޮންޓްރޯލް ނަގަން މަސައްކަތް ކުރާތީ އެރިސޯޓުގައި ފުލުހުން ހަރަކާތްތެރިވާން ފަށައިފިއެވެ.
ފުލުހުންގެ މީޑިޔާ އޮފިޝަލް ވިދާޅުވީ ރިހިވެލީގައި ހަމަނުޖެހުންތަކެއް ހިނގާކަމުގެ މައުލޫމާތު ލިބުމުން ފުލުހުން އެ ރިސޯޓްގައި ހަރަކާތްތެރިވަމުން އަންނަ ކަމަށެވެ. އަދި ފުލުހުން މަސައްކަތްކުރަމުން އަންނަނީ ވާހަކަ ދައްކައިގެން މައްސަލަ ހައްލުކުރަން ކަމަށާއި ހަމަނުޖެހުންތަކެއް ހިނގި ނަމަވެސް އެއްވެސް މީހަކަށް އަނިޔާ ވެފައި ނުވާ ކަމަށެވެ.
ސަބްލީޒް އެގްރިމެންޓެއްގެ ދަށުން ރިހިވެލި ރިސޯޓް ހިންގަމުން ގެންދަނީ ފްރާންސްގެ ކުންފުންޏެއް ކަމަށްވާ ސޭވް ދަ ޑްރީމްގެ ފަރާތުންނެވެ. މިކުންފުނީގެ ވަކީލެއް ކަމަށްވާ ވަކީލް ނާޒިމް އަބްދުއްސައްތާރު ވިދާޅުވީ ރިސޯޓުގެ ވެރިފަރާތުން ފޮނުވި ބަޔަކު އެރިސޯޓަށް ގޮސް ގަދަކަމުން އެރަށުގެ ކޮންޓްރޯލް ނަގަން އުޅުނުކަމަށެވެ. މިދެފަރާތުގެ ދެމެދުގައި މައްސަލަޖެހި ކޯޓުގައި ޝަރީއަތް ކުރިޔަށް ދާ ކަމަށާއި “ސޭވް ދަ ޑްރީމް” ކުންފުނީގެ މީހުން މަސައްކަތްކުރަނީ މައްސަލަ ނިމެންދެން އެރިސޯޓުގައި ތިބުމަށް ކަމަށް ނާޒިމް ވިދާޅުވިއެވެ.
ރަށުގެ ސަބްލީޒް އެއްބަސްވުން ބާތިލްވެފައި ވާތީ ސޭވް ދަ ޑްރީމް ގެ މީހުންނަށް އެރިސޯޓުގައި ނުތިބެވޭނެކަމަށް ކޯޓުން މިއަދު ހުކުމް ކުރުމުން ވެރިފަރާތުން ފޮނުވި ބަޔަކު ވަނީ އެރިސޯޓަށް އަރާ ހަމަނުޖެހުން ހިންގާފައެވެ. އެގޮތުން އޭގެތެރެއިން މީހަކު ފްރާންސްގެ އަންހެނަކަށް ހުރަސްއަޅާ މަންޒަރު ފެންނަ ވީޑިޔޯއެއް މީސްމީޑިޔާގައި ވަނީ ދައުރުވެފައެވެ. އަދި މިކަމާ ކަންބޮޑުވުން ފާޅުކޮށް ރިސޯޓްގެ މެނޭޖްމަންޓުން ވާހަކަ ދައްކާ ވީޑިއޯއެއް ވެސް ވަނީ އާންމުކޮށްފަ އެވެ.
Breaking rihiveyyah thugs araa Aniyaa kuran fashaifi pic.twitter.com/oo0aX1uDrl
— Nazim Sattar (@nazimsat) August 31, 2021
އެ ވީޑިއޯގައި ވެސް ބުނަނީ 15 ނުވަތަ ވިއްސަކަށް މީހުންގެ ގްރޫޕެއް ރިސޯޓަށް އަރައި، ސެކިއުރިޓީ އަށް ހުރަސް އަޅައި ފޯނު އަތުލައި އަދި ގައިގައި އަތްލައި އަމިއްލައަށް ކަންކަން ތަންފީޒުކުރަން އުޅޭ ކަމަށާއި ރާއްޖޭގައި މިފަދަ ކަންކަން ހިނގުމަކީ ވަރަށް ދެރަ ކަންތައް ކަމަށެވެ. ރަށުގައި ތިބި މީހުންގެ ރައްކާތެރިކަން ޔަގީން ނުވާ ކަމަށާއި މި ކަންބޮޑުވުމާ އެކު ފުލުހުންގެ އެހީތެރިކަމަށް ވަނީ އެދިފައެވެ.
Very very worried pic.twitter.com/TY8J63uINW
— Sarah Lacarrière (@SarahLacarriere) August 31, 2021
ލަފާކުރެވެނީ މަސްތުގެހާލުގަ ތިބި ބްރޯތަކެއްކަމަށް. ކޯޓުން ހުކުމްކުރީމަ އެ ހުކުމް ތަންފޒިޒުކުރާނީ ފުލުހުން. މަކުނު ބްރޭންޑު ބްރޯތައް ވަގުތުން ހައްޔަރުކުރޭ.