ރާއްޖޭގެ އެކި ރަށްރަށުން ބޮޑެތި ގަސްތަށް އުފުރައިގެން އެކިތަންތަނަށް ގެންދާއިރު، މިނިސްޓްރީ އޮފް އެންވަޔަރަމެންޓް މިނިސްޓްރީގެ ހިލަމެއް ނެތެވެ.
ރާއްޖޭގެ އެކި ރަށްރަށުން ގަސްތައް އުފުރައިގެން ގެންދާތީ “ސޭވް މޯލްޑިވްސް ކެންޕެއިން”ގެ ނަމުގައި މީސްމީޑިޔާގައި ކެމްޕެއިނެއް ފެއްޓި ވަނީ ކަންބޮޑުވުން ފާޅުކޮށްފިއެވެ. ރަށްރަށުގައި ފޯދިފައިހުރި ބޮޑެތި ގަސްތައް ނަގައިގެން ގެންދިއުމަކީ މީގެ ސަބަބުން އެ ރަށްރަށައް ގެއްލުން ލިބޭނެ ކަމެއްކަމުގައިވާއިރު، “ސޭވް މޯލްޑިވްސް ކެންޕެއިން” ޓްވިޓާ އެކައުންޓުން މިކަން ގިނަބައެއްގެ ސަމާލުކަމަށް ވަނީ ގެނެސްފައެވެ. ރަށްރަށުން ބޮޑެތި ގަސްތައް އުފުރާލުމަކީ އޭގެ ސަބަބުން ރަށުގެ ފަސްގަނޑު ހިފެހެއްޓުމަށް ގެއްލުންތަކަކާއި ކުރިމަތިވާނެކަމަށް ސޭވް މޯލްޑިވްސްއިން ވަނީ ބުނެފައެވެ. ސަބަބަކީ ގަސްތަކަކީ ރަށުގެ ފަސްގަނޑު ހިފެހެއްޓުމަށް މުހިންމު އެއްޗަކަށްވާތީއެވެ.
Is @lgaMaldives aware this project is posing a threat to the mature trees that are essential for the soil stability + resilience of islands?
A sustainable solution for energy can't be achieved by undermining community resilience to #ClimateChange!
How sustainable is this? @ADB_HQ https://t.co/q1lKQYIERL— #SaveMaldives Campaign (@SaveMaldivesMV) September 12, 2021
“ސޭވް މޯލްޑިވްސް ކެންޕެއިން” ގެ ޓްވިޓަރ އެކައުންޓްގައި ބުނެފައިވަނީ ހދ. ނައިވާދޫގެ ގަސްތައް ނަގަމުންދާތީ އެރަށުގެ ރައްޔިތުން ކަންބޮޑުވެފައިވާކަމަށެވެ. މި ގަސްތައް ނަގަމުންދަނީ ސޯލާ ޕްރޮޖެކްޓަކަށެވެ. ރާއްޖޭގެ ރަށްރަށުގައި ފޯދިފައި ހުންނަ ގަސްތައް ވަރަށް ގިނައިން ނަގައިގެން ރިސޯޓްތަކަށްވެސް ގެންދެއެވެ.
Local ppl in Haa Dhaal Naivaadhoo r concerned about the arrival of a digger they believe is brought to remove mature trees from the island. Reports suggest these trees are to be removed to implement a solar project.
What's happening here, @MoEnvmv ?@lgaMaldives @HdhAtollCouncil pic.twitter.com/Y9R24NuREd— #SaveMaldives Campaign (@SaveMaldivesMV) September 12, 2021
ޤަވާއިދާއި ޚިލާފަށް ރުށްގަސް ކަނޑައި ނުވަތަ ނަގައިގެން އެއްރަށުން އަނެއް ރަށަށް އުފުލާ ފަރާތްތަކާ މެދު ޤާނޫނު ތަންފީޒުކުރާ ފަރާތްތަކުގެ އެހީގައި ފިޔަވަޅު އަޅާނެ ކަމަށް އެންވަޔަރަންމަންޓަލް ޕްރޮޓެކްޝަން އެޖެންސީ، އީޕީއޭއިން މީގެކުރިން ވަނީ ވިދާޅުވެސްވެފައެވެ.
ދިވެހިރާއްޖޭގެ ތިމާވެށި ރައްކާތެރިކޮށް ދެމެހެއްޓުމާ ބެހޭ ޤާނޫނުގެ ދަށުން އެކުލަވާލާފައިވާ ” ރުއްގަސް ކެނޑުމާއި އުފުރުމާއި، ކޮނެގެން ނެގުން އަދި އެއްރަށުން އަނެއް ރަށަށް ގެންދިއުމާ ބެހޭ ޤަވާއިދުގެ ދަށުން މިކަން ކުރެވޭނީ އީޕީއޭގެ ހުއްދަ ލިބިގެންނެވެ. އެހެންކަމުން ރުށްގަސް ނެގޭނީ ކައުންސިލްގެ ހުއްދައިގެ އިތުރުން އީޕީއޭގެ ހުއްދަ ލިބިގެން ކަމަށްވާތީ ރިޒޯޓް ތަރައްޤީކުރާ ފަރާތްތަކުންނާއި، ކޮންޓްރެކްޓަރުންނާއި، ކައުންސިލްތަކުން މިކަން ޔަޤީންކުރުމަށް އީޕީއޭއިންވަނީ އިލްތިމާސްކުރައްވާފައެވެ.
