ޖިންސީ ފުރައްސާރައާއި، ޖިންސީ ގުނަވަން ދައްކަނީ ކޮންބައެއްކަން ރައްޔިތުންނަށް ސާފުވާނެ ކަމަށް ބުނެ ސަރުކާރަށާއި މުވައްސަސާތަކުގެ ވެރިންނަށް، ރާއްޖޭގެ ކުރީގެ ޓުއަރިޒަމް މިނިސްޓަރު އަލީ ވަހީދު ފާޑުކިއުން އަމާޒުކޮށްފިއެވެ.
އަލީ ވަހީދު މިހެން ވިދާޅުވެފައިވަނީ، މެމްބަރު ނާޒިލް އޭނާގެ ކުރިމަތި ފަރާތް ދައްކާލައިފި ކަމަށް ބުނެ އޮންލައިން ނޫސް “ވަގުތު” ގައި ޝާއިޢު ކޮށްފައިވާ ހަބަރަކަށް ރައްދު ދެއްވަމުން ކުރެއްވި ޓުވީޓެއްގައެވެ.
ޖިންސީ ފުރައްސާރައާއި، ޖިންސީ ގުނަވަން ދައްކަނީ ކޮންބައެއްކަން ރައްޔިތުންނަށް ސާފުވާނެ. ޝަމީމީ ނިޒާމަށް މިއެއް ނުފެންނާނެ. އެހެނަސް ހިސާނީ ނިޒާމަށް މި ފެންނާނެކަމަށް އުންމީދު ކުރަން. ރައީސްއަށް މި ޚަބަރު ފެނިގެން ކީރިތި ނުކުރައްވައިފިއްޔާ ކިތަންމެހާވެސް ރަނގަޅު. https://t.co/GFYVxd4maB
— Ali Waheed (@ali20waheed) October 5, 2021
އެޓުވީޓުގައި އޭނާ ވިދާޅުވެފައިވަނީ، ޖިންސީ ފުރައްސާރައާއި، ޖިންސީ ގުނަވަން ދައްކަނީ ކޮންބައެއްކަން ރައްޔިތުންނަށް ސާފުވާނެ ކަމަށާއި، ޕްރޮސެކިއުޓާ ޖެނެރަލް ހުސައިން ޝަމީމް އަށް މިކަން ނުފެންނާނެ ކަމަށާއި، ނަމަވެސް ހިސާން ހުސައިން އަށް ފެންނާނެ ކަމަށެވެ. އަދި ރައީސް އިބްރާހިމް މުހައްމަދު ސޯލިހު އަށް މިހަބަރު ފެނިގެން ކީރިތި ނުކުރައްވައިފިއްޔާ ކިތަންމެހާވެސް ރަނގަޅު ކަމުގައިބުނެ، ވަރަށް ބޮޑަށް އޭނާ ވަނީ ސަރުކާރަށާއި ރައީސަށް ފާޑުކިއުން އަމާޒުކޮށްފައެވެ.
މިވަގުތު އިނގިރޭސިވިލާތުގައި ފިއްލަވައިގެން ގޮސް ހުރި، އަލީ ވަހީދު މިހެން ވިދާޅުވެފައިވާއިރު، އޭނާގެ މައްޗަށް ދައުލަތުން ވަނީ މުވައްޒަފުންތަކަކަށް ޖިންސީ ފުރައްސާރައާއި ޖިންސީ ގޯނާ ކުރުމުގެ ދައުވާ އުފުލާފައެވެ.
