ގދ ތިނަދޫއިން ވޭތުވެދިޔަ 24 ގަޑިއިރުތެރޭ އިތުރު ދެމީހަކު ކޮވިޑް-19 އަށް ފައްސިވެއްޖެއެވެ.
ގދ ތިނަދޫގައި ހުންނަ ޑރ އަބްދުލްސަމަދު މެމޯރިއަލް ހޮސްޕިޓަލްއިން ދާދި ދެންމެއަކު ނެރެފައިވާ އަދާހަމައިން ދައްކާގޮތުގައި އެރަށުން ވޭތުވެދިޔަ 24 ގަޑިއިރުތެރޭ އިތުރު 2 މީހަކު ކޮވިޑް-19 އަށް ފައްސިވެފައިވާއިރު ބަލިން ފަސޭހަވެފައިވަނީ އިތުރު މީހަކު ބަލިން ފަސޭހަވެފައި ނުވެއެވެ.
އެއާއެކު އެރަށުގެ ޖުމްލަ އެކްޓިވް ކޭސްގެ އަދަދަކީ 18 އެވެ. ތިނަދޫއިން މިފަހަކުން އައިސް ކޮވިޑް-19 އަށް ޖުމްލަ ފައްސިވެފައިވާ މީހުންގެ އަދަދު ވަނީ 1010 އަށް އަރާފައިވާއިރު ބަލިން ފަސޭހަވެފައިވަނީ 986 މީހެކެވެ.
ތިނަދޫގައި ހުންނަ ކޮވިޑް ފެސިލިޓީގައި ފަރުވާދެމުންދަނިކޮށް 5 މީހަކު ނިޔާވެފައިވާއިރު މިވަގުތު އެފެސިލިޓީގައި އެޑްމިޓްކޮށްގެން ފަރުވާދެމުންދަނީ އެންމެ މީހަކަށެވެ.
ތިނަދޫއިން ވޭތުވެދިޔަ 24 ގަޑިއިރުތެރޭ އިތުރު 19 ސާމްޕަލް ނަގާފައިވާއިރު ނަތީޖާ ނުލިބިހުރީ 61 ސާމްޕަލްގެއެވެ. ތިނަދޫއިން މިހާތަނަށް ޖުމްލަ 10658 ސާމްޕަލް ވަނީ ނަގާފައެވެ.
