ސާފް ޗެމްޕިއަންޝިޕް 2021 ގައި ދިވެހި ޓީމް ދެއްކި ކުޅުމަށް ފަޚުރުވެރިވެވަޑައިގަންނަވާ ކަމަށް ރާއްޖޭގެ ރައީސުލްޖުމްހޫރިއްޔާ އިބްރާހިމް މުހައްމަދު ސޯލިހު ވިދާޅުވެއްޖެއެވެ.
ރައީސް ކުރެއްވި ޓުވީޓެއްގައި ވިދާޅުވީ، ގައުމީ ޓީމްގެ ޕަރފޯމަންސާ ދޭތެރޭ ފަހުރުވެރިވެވަޑައިގަންނަވާ ކަމަށާއި، ފައިނަލަށް ނުދެވުނަސް ދަނޑުގައި ޓީމު ދެއްކި ހިތްވަރަށް އެންމެ މަތީ ދަރަޖައިގެ ތައުރީފު ހައްގު ކަމަށެވެ. އަދި ކުރިއަށް އޮތްތަނުގައި ގައުމީ ޓީމު މިއަށްވުރެ ވަރުގަދަކޮށް ފެންނާނެ ކަމާމެދު އެއްވެސް ޝައްކެއް ނުކުރާ ކަމުގައިވެސް ރައީސް ސޯލިހުގެ ޓުވީޓުގައި ވިދާޅުވެފައިވެއެވެ.
Very proud of the performance of #TeamMaldives at the SAFF Championships. Even though we did not get to the finals, the team deserves high praise for the courage they displayed both on and off field. I’m confident that the team will continue to excel in the future. @MaldivesFA
— Ibrahim Mohamed Solih (@ibusolih) October 14, 2021
ސާފް ޗެމްޕިއަންޝިޕް 2021 ގައި އިންޑިއާ-ދިވެހިރާއްޖެ ރޭ ބައްދަލު ކުރި މެޗުން އިންޑިއާ މޮޅުވެފައިވަނީ 3-1 ގެ ނަތީޖާއަކުންނެވެ. އެއާއެކު އިންޑިއާ މުބާރާތުގެ ފައިނަލަށް ދިޔައީއެވެ. ފައިނަލަށް އިންޑިއާ ނުކުންނަން ޖެހޭނީ ނޭޕާލްއާ އެކުއެވެ.
